- Fernando Lastra: Non. Xurídicamente non.
- Xuan Bello: ¿Quier dicir que mio buela, que namás fala asturiano, tien menos derechos que dalquién que fale castellano?
- Fernando Lastra: Non. Tien los mesmos derechos. Lo que pasa ye que cuando fale cola alministración necesariamente tendrá que falar en castellano. ¿Ye eso una merma de los sos derechos? Ye un condicionante. Simplemente tien que falar en castellano.
- Xuan Bello: ¿Y si nun puede?
- Fernando Lastra: Tien que poder.
Nun hai pallabres en nenguna llingua pa nomar el noxu que me dan les d'esta entrevista y el pensamientu fascista, mafiosu y tiranu que personifica nella Lastra. Poro, nun sentíu nietzscheanu, agradézco-yles.
Al Gore fizo famosa la metáfora del comportamientu humanu como esperimentu de temperatura con anfibios: si metes a una xaronca nuna pota con agua a 20 ºC y vas arroxandola poco a poco nel llar, caleciéndola sele que sele hasta qu'algama los 110 ºC, la rana nun se decata del cambéu de temperatura y nun fai un res por salir d'un blincu. Muerre. Sicasí, si metes a la mesma xaronca nuna pota ferviendo a 110 ºC, blincará automático y saldrá escopetada pa sobrevivir.
A nós metiéronnos na pota cuantayá.
Pa Lastra los mandaos del Conceyu d'Europa -nel que ta'l Tribunal Européu de los Derechos Humanos- son opiniones; los derechos civiles son conflictivos si se reconocen; les Lleis deben aplicase con más o menos intensidá; el reconocimientu xurídicu de derechos de facto ye violencia y atenta contra la dignidá de les persones...
Cuando Xuan Bello saca l'exemplu de la so buela y Lastra retruca... máncame físicamente no más fondo del mio ser. Énte esa rempuesta yo tamién veo a la mio güela -que tampoco nun faló nin fala castellanu-, les engarradielles bablistes de tolos díes desapaecen dafechu y pescancio nidio'l deber que tengo pa con ella y con tolo qu'ella encarna. Rescampla'l verdaderu oxetivu cimeru de la vida.
Les relixones orientales afitaron el conceutu de karma y creyen nún equilibriu universal, nuna xusticia cósmica na que too vuelve y too s'equilibra. Nesti sistema, la enerxía nin se creya nin se destruye -tresfórmase- y l'universu véngase a sí mesmu, pa bien y pa mal. Dexáime que nun tenga enfotu nesi karma cósmicu y que faiga tolo que seya quién pa convertime nél tolos díes.
El dolor cabruña'l corte de los nuestros sentíos, les señales na pelleya recuérdennos d'ónde vinimos.
Enxamás nun hai qu'escaecer eses pallabres y como piensa esti paisanu. Guardáiles nes coraes, facéi d'elles fierro y cabruñáilo.
Podría despachame diciendo que ye un fascista, o un españolista preconstitucional, o un represor de los pies a la cabeza... Pero la rempuesta final a la entruga de la buela ye (col corazón na mano) una de les coses que más voltura me produxeron en munchos años. Asina que d'esti individuu pienso simplemente esto:
ReplyDelete"Nun ye persona".
Bien, Fernando Lastra ye lo que munchos sabíemos, pero ye tamién PSOE, partíu al que Xuan Bello y otros inteleutuales orgánicos cortexen, pa sacar subvenciones, un añu tres otru. Muncha buela, sí, pero pior ye'l que combaya col tiranu que'l tiranu mesmu. Y Xuan Bello y compaña son unos combayones, que ye otra forma de nomar al collaboracionismu.
ReplyDeletehai que ser fatu. equi tan falando de resistir ente estes agresiones, n'identificar el verdaderu mal y concentrase nel verdaderu oxetivu y tovia hai xente que prefier aneciar en reducir esta llucha xusta y universal a eses putes "engarradielles bablistes" y lluches d'ego que denuncia l'articulu.
ReplyDeletecuidau, crisostomu, nun vaya falar jauregui un dia d'estos y rescamplen otres miseries y combayamientos bien asemeyaos
"Dixebra y vencerás"
ReplyDelete