4/6/12

#cyberzen: La solombra


Y el maestru entrugó a los sos discípulos:

—¿Quién ye'l meyor d'ente los que me siguen?
—Yo, maestru, yo soi'l to más fiel discípulu —contestó unu.
—Naide —dixo otru.
—Non —retrucó'l maestru—. El meyor siguidor míu ye la mio solombra: siempre detrás, camina onde yo camino, observa lo que yo observo y ye lo que yo soi... un segundu depués de que yo lo seya.

Pero la solombra del maestru nunca nun será'l maestru: namás pue siguilu. 

Sé solombra
o sé maestru.